مابقى الا انت تحرمني السعاده

[الشاعر عبدالله المانع]

تخيل لو فيه ناس تمشيك على كيفها حتى في ابسط حقوقك اللي هو الحب ويسعون دايم انك تكون من بلا حب بلا احساس حتى السعاده مستكثرها عليك خاصة لو كانو من اقرب الناس اليك
وش بتكون حيلتك غير انك تمسك حبر وورق وتكتب ................

مابقى الا انت تحرمني السعاده
مابقى الا تجي وتاخذ فرحتي
ولا وش رايك تجي وتحرق القلب بزياده
ولا وش رايك تحكم بدالي دنيتي
كنت احسبك تدور رضاي وتكسب القلب ووداده
كنت احسبك لحالك والشخص الوحيد بدنيتي
كنت احسبك ساس الحب واهل الهوى وعماده
مادريت انك شخص تسعى لهدم حبي وفرحتي
فيه ناس بهالوجود يحبون جو النكاده
مهمتهم في هالدنيا طمس حلمي وفرحتي
صار الحكي مع هالناس مامنه افاده
يقروون ويصدرون كن مالي كلمتي
في الحسد والحقد ابد مايبيلكم شهاده
بس تبون الصراحه انا امير بكلمتي
انا ربي عطاني عزة نفس وجلاده
واحرق اي قلب يحاول يشتت منيتي
اكبر قهر لما اخوك يسعى لهدم حبك وافساده
ينقل خبر يصدر امر يحاول بالتي
مادام اني قادر ادل قلبي للسعاده
ماتجيني قلوب ثانيه تدلني على فرحتي
ماينفع الغدر الا فوسط ليل طاغي سواده
فوقتها بعرف من اللي متسبب في طعنتي
فوقتها بعرف من هم كارهين الحب وحساده
فوقتها وانا مرتاح بسوي اللي ابي وافعل فعلتي
صدقوني بتنسون ايام الفرح والترح والسعاده
صدقوني وانا لاقلت كلمه بكون عند كلمتي
حسبي الله عليكم فأوقات حرمتوني السعاده
حسبي الله عليكم حرمتوني حتى ضحكتي
صدق من قال وربي نوم الظالم عباده
ناس مثل هالناس مشكله لاصاروا اخوتي
كلمه بقولها وحطها على اذنك قلاده
بظل اعطي واعطي في ضعفي وقوتي
بظل اصمد واحارب لجل عينك يالسعاده
وبتم انا احب الهوى واهل الهوى ومحبتي
أبد لايفكر يحارب اللي بقلبه ضعف الارداه
وأبد لايفكر يفوز اللي ألقاه في وجهتي

[امير الذوق]

ابدااع ماله حدووود وربي مبدع والله

انا اكلمك عن نفسي كنت بحاجتها


الى الامام دائما

[الشاعر عبدالله المانع]

الله يسلمك اخوي امير وشكرا على مرورك

[اسيرة الامل]

يالمعاند

اقدر اسميك تاج الكبرياء

والله لا يحرمك من السعاده..

ويبعد كل من سرق حبك وضحكتك..


تسلم ايدينك

اختك
اسيرة الامل

[الشاعر عبدالله المانع]

الله يسلمك ويخليك اختي اسيره

وعسى الضحكه ماتفارقك

وربي يحفظك من عيون الحاسدين