خنجرك...

[التركي]

طاب الشـــعر / وجروح قلبي نصيبك

.......................................... يبي يجيب الله مطـــر / يوم جابك

( تدري ) قبل قولت هــلابـــك / أجيبك

........................................ ماشفت ؟؟ جبتك قبل قولت هلابك

ماشفتني باي شـكل واعي / اغيبك ؟؟

........................................ وشـلون اجل لاغبت بك في غيابك ؟؟

استغفر الله كان هالذنب طيبك

.................................... والطيب ماهــو ذنب يومه زهــابك !

استغفر الله يوم كنت اشتهي بك

................................. ترجف خجل( واقف ) وانا اقول مابك ؟؟

وشفيك خايف (ليه) ماني حبيبك ؟؟

................................... إلا حبيبك غصب حضرت جنابك

اقلط بعين الشـــوق مانـــي غريبك

....................................... ( فنجال قهوه ) مايضر بشـــبابك

لاتســـتحي .. مـادام انا مبتلي بك

....................................... حتى عذابك غير (( يلعن عذابك ))

كان العتب يزعلك هالعيب عيبك

.................................... لو منت غالي مابديت بعتابك

تبي اشيل بقلب جرحه طبيبك

.................................. تبي اجامل ( خنجرك) واهابك

حاضر على امرك بعد مااصيبك

................................ من صرت نيشاني بداوي صوابك !

ماقلت لك : ماهي بسيطه اغيبك
................................. وشلون اجل لامن حضرت بغيابك !!

[التركي]

افاااااااااااااااااااااااااا مافيه ولا رد شكله محد فهم القصيدة .

[جودي]

لافهمنها يعطيك الف عافيه

بس على مااعتقد جميع الاعضاء كلهم او اغلبهم يختبرون
الاختبار النهائي
ادعي لهم بالتوفيق

وبصراحه اخوي التركي ابدعت في
كلماتك المعبره والجميله
والتي كنا بلحلظاتها ننتظر
وها انت عدت لتكتب
لك اجمل كلماتك
واروع معانيك

سلمت يداك

تحياتي لك .. جودي

[بنت الامارات]

اخوي التركي

اتحفتنا بكلاماتك الرائعه

دمت بود

[التركي]

مشكوره بنت الامارات
دمتي بخير